Huskeliste

Om dagane går eg og tenkjer over ulike ting og tang som eg må huske å gjere før avreise, så eg fann ut at eg må lage meg ei liste slik at eg ikkje gløymer noko. (sjølv om eg truleg ikkje kjem på alt no i skrivande stund).

* Sende mail til Kilroy og endre/avbestille flyreisa heim frå Brisbane.
* Skaffe leilighet i Brisbane.
* Søkje om visum.
* Ta ulike vaksiner.
* Sende mail til forsikringsselskapet og finne ut om eg må ha ny/endra reiseforsikring, eller skaffe meg Kilroys reiseforsikring.
* Finne ut kva som lønner seg av mobilabbonemet. Norsk, australsk eller begge deler?
* Finne ut kva det vil koste å sende heim bagasje etter opphaldet i Australia, før rundreisa i Asia.
* Lese meg opp på kulturelle kodar i landa vi skal besøke. Blant anna har eg fått med meg at vi må dekke til leggane i India. Og berre berøre mat med høgre hand.
* Overbevise Tor om at han også må ha 3 veker ferie i løpet av 2012. Og dermed få han til å besøke meg i Brisbane.
* Skaffe internasjonalt studentkort
* Søkje støtte frå Lånekassa.
* Bestemme meg for kva eg vil skrive om i hovudoppgåva mi.
* Vurdere om eg skal invistere i svær backpacker-sekk.
* Betale skulepengar, fly osv. Pakke. Planlegge meir av /endre reiseruta, lese om ting å oppleve.

Velkommen!

No har eg laga meg ein reiseblogg, sidan reising er ein viktig del av livet mitt.
Hittil har eg importert nokre av innlegga er har publisert på ein eldre kvardagsblogg. Dei er kanskje ikkje så spennande sidan eg ikkje såg på innlegga som materiale til ein reiseblogg då eg skreiv dei, og sidan dei er tekne litt ut av samanheng. Eg må også beklage mangelen på bilete i nokre av innlegga. Dei fleste som las bloggen då såg vel alle bileta i album på fb. Trur ikkje eg orkar å redigere dei i etterkant. Kjem nuk heller ikkje til å legge ut innlegg om tidligare reiser eg har tatt. Kan nevne at eg har vore i/på Polen, Praha, Kypros, Mallorca, Valencia, Sverige, Danmark, Finland, Scarborough og Tyskland i tillegg til dei nevnt i innlegga under (Malaga, Barcelona, Tallinn, London, Dublin).

I juni skal eg til Kreta med veninner på ferietur.
I haust skal eg til Australia og rundtom i Asia i forbindelse med studier. Sidan dette er ei lang reise vil sikkert fleire innlegg bli publisert i planleggings-fasen også. Nokre er allereie komne.