Experience Aussie

I går sat eg å las litt bloggar frå andre som har opplevd Australia, samt googla ulike utflukter og destinasjonar i Australia. Vi har 5 veker i Brisbane før Vietnam. Det vil seie 4 helger, kanskje 5, og kanskje nokre studiedagar innimellom. Eg håpar eg får tid til mestedelen av dette iallefall!

1.
Dykke ved Great Barrier Reef.
Vi må då først ta fly opp til ein liten by nord i Australia.
Eg har sett på dagsturar der ein kan snorkle og studere korallreva, og enda betre - eit opplegg der ein kan dykke ned til 7-8 meter sjølv om ein ikkje har dykkarsertifikatet! Ein instruktør vil undervise oss i forkant og dykke saman med oss, så det er trygt, og dette er noko eg virkelig virkelig har lyst til!
Sidan vi må fly heile vegen opp dit burde vi kanskje vore der nokre dagar, tatt ein båttur rundtom og dykka ved ulike plassar. Men så sjøsjuk som eg blir er eg litt usikker. Hadde vore kjekt da.

Eg håpar virkelig eg kan få til denne turen medan Tor er på besøk. Han har jo dykkersertifikatet og alt. Og dette er noko eg virkeleg vil oppleve saman med han.
Eg reknar med at Australia-utfluktene eg/vi reiser på er noko vi gjer som ei lita gruppe, slik at det ikkje gjer noko for dei andre at han blir med.

2.
Vi må besøke Lone Pine Koala Sancutary. Der får vi halde koalaar og mate kenguruar.
Dette er i Brisbane, så dette klarer vi å få til uansett!

3.
Det hadde vore kult å dradd inn til midten av Australia og tatt ein 2-dagers hiking ved Ayers Rock og Kata Tjuta. Sove under stjernehimmelen, sjå solnedgangen og soloppgangen. Spennande!

4.
Ein tur til Sydney er nesten sjølvsagt. Då er posering foran operahuset obligatorisk.

Ein liten times kjøring nord for Sydney ligg Palm Beach, betre kjend som stranda i Summer Bay frå Home & Away. Ikkje eit must for min del, men kjekt å få med seg når ein likevel er i "nærleiken".

I sjølve Sydney må vi vel ned på Bondi Beach og sjekke om livreddarne er på jobb?

Og sjansen er stor for at vi reiser opp i Sydney Tower og nyt utsikta.

Ellers er det sikkert mykje anna spennande å sjå i Sydney, som eg ikkje heilt har oversikt over enda. Men eg reknar med vi kanskje tek ei helg i denne byen.

5.
Om vi set oss på ein ekspressbuss frå Brisbane er vi i Byron Bay etter 2 timar.
Dette er det austlegaste punktet av fastland-australia.

Ser ikkje vekk ifrå at vi tek oss ein dagstur hit.

6.
Melbourne - også kjend som kulturhovudstaden i Australia.

Eg har heilt ærleg liten peiling på kva som er å sjå og oppleve i Melbourne. Men det finn eg nuk ut av dersom vi reiser dit nokre dagar!
Eg har derimot fått med meg at Eureka Skydeck med 88 etasjar ligg i Melbourne. Reiser eg dit må eg difor heilt opp i 88 etasje og sjå utsikta gjennom glasveggar og glasgolv.

Eg håpar eg får tid til mesteparten av dette iallefall. Det er nesten så eg ikkje kjem til å ha tid å studere, det vi "eigentleg" er der for. Men så var det vel kulturen og landa eg skulle studere, var det ikkje? ;)

Har du tips til kva vi bør sjå eller oppleve medan vi er i Australia?

Dei takast imot med stor takk! =)

Vekeoppsett hausten 2012

Dei to første månandane av reisa er ganske fast oppsett. Dei to siste månadane derimot, dei bestemmer vi opplegget for sjølv. Omlag kvar veke gjer vi endringar i reiseruta vår, vurderar fram og tilbake, og styrer på.
No trur eg derimot vi har ein ganske ok plan, der vi har 2-3 ulike alternativ alt etter kva vi får klarsignal om på neste informasjonsmøte, komande tirsdag.
Blant anna trur eg vi vil prøve å skvise inn eit par dagar i Nepal når vi likevel skal vere i Nord-India. Så får vi sjå Himalaya med Mount Everest og generelt eit litt mindre asiatisk land.

Veke 34: Volda
Veke 35: Fri/pakkeveke/studieveke.
Veke 36: Avreise. Eit par dagar i Brisbane. Avreise Bourke.
Veke 37: Bourke.
Veke 38: Brisbane
Veke 39: Brisbane
Veke 40: Brisbane
Veke 41: Brisbane
Veke 42: Brisbane
Veke 43: Vietnam
Veke 44: Vietnam

Så var den første planen slik:
Veke 44: Vietnam
Veke 45: Brisbane
Veke 46: Brisbane
Veke 47: Japan
Veke 48: Japan. India.
Veke 49: India.
Veke 50: Kina
Veke 51: Kina. Heimreise.

Men no trur eg vi vil prøve å reise direkte frå Vietnam til rundtom i Asia, slik at vi kan skrive oppgåve om blant anna India.
Veke 44: Vietnam
Veke 45: Nepal. India.
Veke 46: India.
Veke 47: Japan
Veke 48. Japan. Tilbake til Brisbane.
Veke 49: Brisbane
Veke 50: Kina.
Veke 51: Kina. Heimreise.

Grunnen til at vi kanskje bør dra tilbake til Brisbane før vi har besøkt alle landa vi vil besøke i Asia er at oppgåva vår skal inn 11.desember, altså tirsdagen i veke 50. Då bør vi vere i Brisbane eit par dagar og skrive før innelevering.
Dessutan er flyreisa heim med ei mellomlanding i Hong Kong, og det er ingenting i vegen for å vere igjen i Kina nokre dagar før vidare heimreise (sidan billettane er bestillt via Kilroy). Då slepp vi også mange timar ventetid på flyplassen, og vi får oppstykka heimreisa litt, slik at det ikkje blir ein kjempelang intervall slik som reisa ned.
Men det går såklart an å ta Kina også før tilbakereisa til Brisbane. Då får vi litt færre skrivedagar før innlevering. Og det blir kanskje litt fram-og-tilbake i og med at vi uansett mellomlandar i Kina på veg heim. Men det er samtidig greit å vere i Australia seinast mogeleg, sidan der blir meir og meir sommar nærare juletider, medan Asia får haust.
Eg og Karoline får setje oss ned ilag ein dag og studere litt, i staden for å la all kommunikasjon gå via nettet. Og så må vi såklart høyre om det er total krise dersom vi ikkje blir med tilbake til Brisbane rett etter Vietnamturen.

 Harajuku-girls.

Wildest

I dag har eg havna i drømmeland igjen.
Eg klarte å rote meg inn på ei side som heite www.kulturstudier.no. Fordi eg har hørt rykter om at det finnast liknande studietilbod som Austral-Asiatisk-kulturstudium, men andre plassar i verda.
Og dette hørtes sjølvsagt interessant ut i mine øyrer!

Der fann eg eit fag som heiter "fleirkulturell pedagogikk".
30stp våren 2013. I Nicaragua. I samarbeid med Høgskulen i Vestfold.
Opphald i Nicaragua i februar, mars og april. Studier og ein del praksis. Munnleg eksamen, heimreise og oppgåveinnlevering i etterkant.
Det hørtes fantastisk fristande ut! Studiegebyret og støtta frå lånakassa går nesten opp i 0 også.
Einaste "ulempa" er at eg kun rekk å vere heime ein drøy månad mellom Astralia og Nicaragua. Og det trur eg blir tungt, med tanke på Tor. Eg kjem til å sakne han noko voldsomt.

Også fann eg noko anna heilt herleg, fantastisk! Eit studieår med spansk språk og latinamerikakunnskap. I Nicaragua og Argentina.
"Du studerer ført nybegynnerspank i Argentina. Deretter backpacker du deg nordover gjennom Latinamerika til Nicaragua der du studerer spansk for viderekommende" - OMG, det høyrest jo heilt fantastisk morosamt ut!
Eg har jo eigentleg vurdert å studere spansk eit halvår eller år, for å kunne undervise på ungdomstrinnet eller vidaregåande. Men å vere vekke heile skuleåret 2013/14 veit eg ikkje. Eg har eigentleg veldig lyst, og bør ta det medan eg kan, men kjenner også at eg snart vil roe ned ilag med Tor. Vil ikkje vere vekke frå han i fleire år, liksom. Kanskje kunne eg tatt berre det eine semesteret?

Tek eg eit år spansk lurer eg på å droppe å ta engelsk no våren 2013. Då ser eg for meg at hausten 2012 blir det Australia og Asia. Våren 2013 blir det samfunnsfag i Volda, med studietur til Kenya. Hausten 2013 blir det Argentina og våren 2014 Nicaragua. Så blir det vel eit år med spes.ped. Treng vel ikkje å ta begge åra slik at eg får master og blir lektor. Kan ikkje studere evig heller.

Backpacker eller turist?

Er litt usikker på korleis eg skal pakke med meg bagasjen til Australia. Spesielt med tanke på vidare reiser til Vietnam, India, osv.

Skal eg tenke vanleg og reise med trillekoffert? Kanskje litt upraktisk når eg skal vidare til Vietnam og India. Då bør eg kanskje ha ein sekk?

Ein slik stor og flott og fin og dyr ein?
Bilete: Bergans Trollhetta Lady 75L

Men det kan jo bli tungt å bære heile tida også. Så kanskje eg skulle investert i ein enda dyrare, superpraktisk slik?

Bilete: Osprey Soujourn 80: trillesekk.
Genialt! Men kostar 2.200kr. Ganske dyrt syns eg.

Eller kanskje eg skal reise med trillekoffert og medpakka stor sekk? Så kan eg ta sekken med til Vietnam og kanskje India. Og kanskje sende koffeten heim frå australia?

Avgang bekrefta

No er flybillettane til og frå Brisbane bestillt!
Søndag kveld, 2.september set eg og Karoline oss på nattbussen til Gardermoen. Litt før kl.8 mandags morgon reiser flyet, først til London, deretter Hong Kong, og like før midnatt tirsdag 4.september landar vi i Brisbane.
Total reisetid på nesten 50 timar. Heldigvis er dette inkludert ein tidsdifferanse på 9t, så total reisetid blir omlag 40t.
Likevel er det snakk om svært lang tid. Når vi endeleg kjem fram til Brisbane tippar eg at behovet for ei knallhard treningsøkt er stort, så utruleg rastlaus som eg truleg er. Samtidig trur eg behovet for å legge seg i ei deilig hotellseng og sove i timesvis før ein lang varm dusj er like stort.

Det er også bestillt returbillettar 20.desember via høgskulen og Kilroy, men vi blir nuk mest sannsynlig å endre denne reisa. Både fordi vi kjem til å reise rundtom i Asia før heimreisa, og også fordi vi kunne tenke oss å reise heim 2-3 dagar før dette.
I dag har eg/vi difor brukt tid på å sende mail til Kilroy, undersøkje andre flyruter heim, osv.
Vi har også undersøkt litt meir kva det vil koste å sende heim ein koffert/pakke frå Australia. Eg kunne tenkje meg å få sendt heim mest mogeleg bagasje før vi reiser rundt i Asia. Fleire mailar har blitt sendt til ulike shipping-firma, og eg ventar no berre på svar og prisforslag.

Også fekk eg her ein dag bekjed frå arbeidsstaden til Tor om at eg skulle krysse av 4 veker på kalendaren. Altså, ferieveker! Og det var ingen sak, eg visste allereie kva veker han skal ha ferie i år. Veke 39, 40, 41 og 42! Eller, tre av dei iallefall. Dette er veker då vi er i Brisbane og går på skule, og truleg kjem til å reise rundt i Australia. Om han vil komme ned i veke 39 eller 40 kan han få bestemme sjølv, men eg syns han bør vere der minst 2 veker når han først kjem nedover. Veke 43 reiser vi til Vietnam, og etter denne turen er det fullt opp med oppgåveskriving og Asia-reiser. Og sikkert ikkje like kjekt å besøke meg.
Eg vart derimot litt skuffa når eg fekk høyre at den andre elektrikaren i bedrifta skal ha ferie fram til veke 41/42. Det er så typisk! Om dette spolerar Australiareisa for Tor blir eg skikkelig irritert. Spesielt sidan Tor omlag ikkje har hatt ei einaste veke ferie på fleire år, og eg har sagt at han må setje av tid til Astraliaferie i snart 2 år. Då får heller bedrifta ha stengt ei veke eller to, meinar no eg! Hehe

Bump in the road

Akkurat no sit eg på Haukeland Universitetssjukehus, der bror min har ligget i 10 dager på grunn av hjertestans, og no har fått operert inn ein ICD (hjertestartar).
Eg har fått beskjed om at sjukdommen hans, som er uhyre sjeldan og nyoppdaga, truleg er arveleg i høgaste grad. Det vil seie at eg må kontakte fastlegen min og få henvisning til MR av hjartet ned kontrastvæske.

Forhåpentlegvis slepp eg til fort, og får bekrefta at eg ikkje har sjukdommen.
Dersom eg ikkje får innkalling til MR før i haust får eg eit problem. Vil eg reise til Australia og rundtom i Asia utan å vite? Eg har jo verkeleg lyst å reise! Men dersom det blir det siste eg gjer fordi hjartet mitt stoppar på gata i India og ikkje på gata her heime, så er det liksom ikkje verdt det..
Men mest sannsynleg får eg vel sleppe til på MR i løpet av sommaren. Problemet blir då viss dei påviser at eg har denne hjartefeilen. Då må eg truleg operere in ein ICD.
Tenk om ting tek tid slik dei pleiar å gjere, og denne operasjonen blir rett før, evt etter, avreise Australia. Då ser det ikkje så lyst ut.
Eller tenk om eg faktisk får operere tidleg i sommar,men likevel ikkje får reise nokon plass før eg har vore 'symptomfri' i 3-6 mnd etter operasjonen? Eller at det blir kjeppar i hjula på grunn av andre restriksjonar, slik som at eg ikkje kan bære ryggsekk, osv.
Det hadde vore utruleg ukult!

Eg har allereie tenkt at eg då uansett ikkje studerar noko anna til hausten, men tek asiareisa mi til hausten som planlagd, og kanskje studerar engelsk i Brisbane etter jul. Eller at eg dreg med meg Tor på ei verda-rundt-reise i haust/vår. For no har gleda meg til å reise i så mange år! Eg skal! Hehe. Såfremt eg får lov..

Nei, eg kryssar fingrane mine for at hjartet mitt er heilt friskt, og at eg finn det ut lenge før avreise!